Мастхев: сувга чидамли тушь
08.06.2017
Ёзда сувга чидамли тушьдек бьюти-ёрдамчи ҳар доимгидан ҳам қадрлироқ бўлади. Унинг ўзингизга мосини қандай танлаш керак, бунда нималарга эътибор қаратиш зарур ва уни ишлатишнинг қандай қоидалари бор? Булар ҳақида бизнинг маълумотларимиз орқали билиб олинг.
Биринчидан, таъкидлашимиз керакки, сувга чидамли, барқарор тушь қанчалик яхши бўлмасин, ундан ҳар куни ҳам фойдаланмаган маъқул. Умуман, спортзал, бассейн ва пляжларга ҳам кўп пардоз қилиб бориш одат бўлган вақтлар аллақачон батамом унутилган. Шунинг учун биз бундай жойларга жуда кам миқдордаги макияж билан боришни қатъий маслаҳат берамиз. Сувга чидамли тушьларнинг ўрнини босувчи энг яхши танлов таркибида қора рангли фаол пигменти мавжуд тушьлар бўла олади. Улар орасида, айниқса, Maybelline New York дан Push-Up Drama ҳамда Flormar дан MaXXL каби тушьларни танлаган маъқул.
Аммо кўнглингиз барибир киприкларингизда “зирҳланган”, барқарор қоплам бўлишини хоҳласа, унда сувга чидамли тушьларнинг таркибини ўрганишга алоҳида эътибор билан қараш лозим. Киприклар учун сувга чидамли тушь оддийларидан нимаси билан фарқ қилади? Энг камида, уларнинг таркибида бир неча баробар кўп кимёвий моддалар бўлади. Қора пигмент миқдорининг юқори баландлиги билан бирга, уларда сульфат каби кимёвий қўшимчалар ҳам учрайди.
Сувга чидамли тушьни танлашда, ўзингизга савол бериб кўринг: сиз бажармоқчи бўлган макияжингиздан айнан нимани кутяпсиз? Образингизни шакллантиришда қайси бири муҳим: ҳажм, узунлик ёки киприкларнинг шаклими?
Агар сиз учун макияжнинг севимли томони ҳажм бўлса, унда иккиланмасдан Bourjois дан Volume 1 Seconde тушини танланг. Махсус чўтка киприкларни бураб ва бир-биридан ажратиб, уларга сиз истагандек ҳажм беради.
Жуда узун киприкларни яхши кўрувчиларга француз бренди Bourjois дан Twist Up The Volume номли тушь манзур келади. Киприкларни ажратувчи ингичка чўтка уларни “тарайди” ва киприкларга уларнинг асос қисмидан тортиб, учларигача узайган кўриниш бағишлайди.
Десерт сифатида эса киприкларга қалинлик бахш этиб, кўзларни сирли пардадек яширадиган натижа ҳосил қиладиган шакл берувчи Volume Glamour Max Noir тушини кўрсатиш мумкин. Шунингдек, қалин чўтка шундоқ ҳам гўзал киприкларни бурайди, узайтиради ва уларга қалинлик бағишлайди.
Унутманг, энг асосий қоида – кўзлардаги макияжни тўғри ўчиришдир. Бу кўзларингиз, хусусан, киприкларингизнинг гўзаллиги ва бундай кейинги саломатлиги учун жуда муҳим.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.