Бешни ташла: SS-17 Урфдаги сочлар
16.05.2017
Мода ҳар қачонгидан ҳам тезкор. Подиумларда фақатгина нафис пушти рангдаги сочлар пайдо бўлган заҳоти, ҳар учта башанг аёлдан биттаси сочларини қулупнай рангга бўяб олади. Баҳорни кузатиб, ёзни кутиб олишда “тўғри” соч турмагидан фойдаланиш учун нима қилиш кераклиги ҳақида бизнинг кузатишларимизни ўқинг.
Тренд №1
Мавсумда асосан анъанавий тарзда жингалак сочлар ўз ўрнини йўқотмайди. Кепка ва шляпаларни туртиб чиққан тартибсиз ва дадил жингалак сочлар урфда. Агар сизнинг сочингиз жингалак бўлса – уни текисламанг ва хурсанд бўлинг, сиз тренддасиз. Сочларнинг жингалаклигини сақлаш учун бальзам ва ёғлар ҳамда маска ва мусслардан фойдаланишни унутманг.
Тренд №2
Жингалак сочлар қаторида тўғри, текисланган сочлар ҳам жуда муҳимдир (Ким Кардашьян ҳолатидаги турмаклар). Сизларга эслатиб қўймоқчимизки, агар сочларингиз табиий жингалак бўлса, ўз ҳолида қолдирганингиз маъқул. Демак, подиумдаги намойишлар ва мода мутахассислари фикрига асосан, ҳар қандай узунликдаги сочлар текис ва чўзилган ҳолда аъло даражада силлиқ ялтирайди. Бундай ҳолатда сочнинг фарқи жуда текис очилган бўлиши керак, елкага тушиб турган сочлар билан эса юзнинг ярмини тўсган ҳолда сирли ҳолатга кириш мумкин.
Тренд №3
Каре ва лобб – бу услуб ёзда ўзининг ташқи қиёфасини ўзгартиришни истаганлар учундир. Бунда асосан сочнинг калталиги ва фарқнинг қиялиги ҳамда енгил ассимметрик тарзда турмак муҳим. Иккала соч кесиш усули ҳам асосан бир хил ва турли рангда бўялган сочларга мос, аммо латофатли кўриниш ҳосил қилиш учун энг яхши ечим енгил ранг берилган сочлардир. Бир неча соч кокилларини бўяб, уларга сариқ тус беришингиз ёки аксинча сочингиз рангига тўқ тусли бўёқ бериб, унинг ёрдамида сочингизга янада кўпроқ ҳажм қўшишингиз мумкин.
Тренд №4
Кундан-кунга машҳур бўлиб бораётган “Қулупнайли блонд” рангини алоҳида таъкидлаб ўтмасликнинг иложи йўқ. Итальян музқаймоғи тусидаги ёқимли рангли сочлар ҳар бир аёл учун ҳақиқий маст хэв (модага риоя қилувчи ҳар бир инсонда албатта, бўлиши керак бўлган нарса) га айланиб бормоқда. Сиз сочларга сингиб кетувчи ранглар ортидан қувишга мажбур эмассиз, аммо маълум бир рангда ўзингизни ранг берувчи шампун ёки тоник ёрдамида синаб кўришингиз мумкин.
Тренд №5
Ўтган ёздан бери битта боғлам қилиб йиғилган ва ўрилган сочлар тренд бўлишда давом этмоқда. Боғламни ҳар доимгидек бошнинг энса қисмида сочнинг фақат юқори тарафини йиғиш тавсия этилади. Тушиб турган бошқа сочларни эса ёқа томонга ёки бўйин тақинчоқлари остига тушириб қўйиш тавсия этилади. Соч ўримлари орасида эса хиппи услубидаги ўримлар муҳим. Юз ёнида ёки қулоқ устида узун, тартибсиз қилиб ўрилган сочлар ҳар хил узунликда ва рангдаги дракон услубида ўрилган сочлар каби урфда бўлиб қолаверади.
Ўзгаринг ва ўзингиз учун энг яхши услубда бўлинг!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.
