Икона услуби қандай бўлиши ва қандай кўринишга эга бўлиши керак.
19.04.2017
Айтишадики, мода ўткинчи, услуб эса доимий сақланиб туради. Бу ҳақда тортишиш қийинроқ. Биз сизларга икона услубининг қандай машҳур бўлиши ва бунинг учун нима қилиш кераклиги борасида стилистларнинг ўнта тавсияси ҳақида сўзлаб бермоқчимиз.
1. Табиийликни сақланг. Бу маслаҳат кулгули ва бироз бемаънироқ туюлиши мумкин. Айнан табиийликда сиз одамлар орасида ўзингизни қулай сезишингиз мумкин. Соғлом юз ва соч терисига эътиборли бўлинг. Уларни вақтида озиқлантириб, намлантиринг ва гўзаллигингиз ҳақида қайғуринг, ана шунда у ҳам сизга худди шундай жавоб қайтаради.
2. Доим сизда қуруқ шампунь бўлишини унутманг. Катта шаҳар ҳаётида кутилмаган учрашувлар, режалар ва тадбирлар бўлиб қолиши мумкин. Сиз хохлаган ёки керакли инсонлар билан кўришишни қолдирмаслик учун сочингизни 5 минутда қуруқ шампунга ювишингиз ва тиниқ кўринишга эга бўлишингиз мумкин.
3. Соч учун антистатик олиб юринг. Гўзаллик саноатидаги бундай янгилик сочларингизга саранжом–саришталик бахш этади. Электрланмаган ва силлиқ кўринишдаги сочларингиз ҳар доим сизни яна бир поғонага кўтаради.
4. Кўзингизга қора қалам сурманг. Албатта, бу тантанали аутфит ва “қизил гиламли йўлакча”да юрганингизда яхши, лекин оддий кундалик ҳаётда маслаҳат бермаймиз. Ундан кўра, қатъий равишда кўк, жигар, яшил ва кул ранг тень ва қаламлардан фойдаланган афзал. Улар кўзларни чуқур ва тиниқ кўрсатади.
5. Қовоғингизнинг пастига оқ ранг суринг. Қарашларга янада очиқлик бағишлаш учун кўзингиз остига оқ қалам ёки тень суринг. Тени, шунингдек, кўзнинг пастки учига ҳам суришингиз мумкин. Шундан кейингина ҳар доимгидек киприкларни бўяшни унутманг.
6. Ўзингизга қизил рангли лаб бўёғи танланг. Бундай рангни танлаш ўйлаганингиздан анча қийинроқ. Қизил рангнинг қандай туси сизга барчасидан кўпроқ мос келишини аниқлаш учун танланган рангларни қўлингиз бармоқларига суриб кўринг (чунки уларнинг юзаси лаб қопламига яқин, бу эса янада текис фактурани танлашни осонлаштиради). Рангларнинг оч-тўқлигига ҳам эътибор беринг – совуқ рангларни танлаган маъқул, улар доимо рангингизни янада софроқ ва “ёшроқ” кўрсатади.
7. Гигиеник лаб бўёғи ёки лаб учун бальзамларга эътиборсиз бўлманг. Лаблар жуда тез қуриш хусусиятига эга. Бундай ёқимсиз ҳолатга тушмаслик учун ҳар доим ёнингизда лабларга мўлжалланган бальзам ёки гигиеник лаб бўёғи олиб юрганингиз маъқул. Бу ҳолатнинг олдини олиш учун эса воситани лабларни бўяшдан аввал суриш керак (айниқса, асосий лаб бўёғингиз таркибида лабларни қуритишга мойиллик бўлса).
8. Сочингизнинг фарқини ён томондан очинг. Образга жозибалилик бағишлаш учун ён томондан очилган фарқдан осонроқ ва оддийроқ усул йўқ. Қарашлар сониялардаёқ янада сирли ва назокатли тус олади, сочлар эса узунлиги ва қандай кесилганидан қатъий назар жозибадор кўринади.
9. Бронзатор пудрадан фойдаланманг. Асло! Агар сиз қизил йўлакчадаги Холли Берри бўлмасангиз, унда бундай экзотикадан воз кечган маъқул. Кўпроқ ялтирамайдиган таркиблилардан танланг, ахир юздаги ялтироқ шундоқ ҳам ортиқча кўринади.
10. Улама киприклардан воз кечинг. Бундай қарор фақат бир қарашдагина мафтункор туюлиши мумкин. Эркаклар аллақачон аёллар киприкларининг узунлиги ва қалинлиги, шунингдек, кўпгина ўзига тортувчи бошқа манипуляцияларнинг ҳам фарқига борадилар. Улама киприклардан фойдаланиш эҳтиёжини босувчи тушь танлашга ҳаракат қилинг. Кўпроқ натижа бериш учун эса пастки киприкларни жигарранг тушь, юқори киприкларни қора тушь билан бўянг.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.