Сочларимизни бехато тўғирлаймиз
05.04.2017
Ҳар биримиз сочларимизни мукаммал тарзда тўғирлаш муаммосига дуч келганмиз – кимдир сочларининг ҳажми йўқлигидан нолиса, кимларгадир сочларининг жилоланиб туриши етишмайди, яна кимлардир эса сочларини керакли даражада ўғирлай олмайди. Ҳамма мамнун бўлиб қолиши учун нима қилиш керакдиги ҳақида сўз юритамиз.
Дастлаб, кўпчилик қизлар йўл қўядиган асосий хатони аниқлаб оламиз: ҳеч қачон ҳўл ёки ҳатто нам сочларни тўғирламанг. Сочларингизни “чўзиш”га киришишдан аввал, уларни яхшилаб қуритиб олиш ўта муҳим саналади. Сочларингиз бир хил қуритилганига ишонч ҳосил қилганингиздан сўнг, уларни ётқизиб тарашингиз мумкин.
Сочлар ўзининг дастлабки (балки каттароқ) ҳажмини сақлаб қолиш учун, сочларингизнинг илдизидан бошлаб ҳажм учун мўлжалланган мусс сепинг. Соч илдизларини қуритиб, бошингизни бироз “совитиб олинг”. Сочлар совуб бўлгандан кейин, ҳамма сочларингизни кичик тутамларга ажратиб олинг. Бунда сочларнинг юқори қисмини (тепа қисми атрофини) қисқичбақасимон соч тўғноғичи билан йиғиб олиш мумкин. Қолган сочларни бармоқ билан тенг бўлган эндаги кичикрок тутамларга ажартиб олиб, улар бўйлаб “дазмолча” билан ўтинг. Қисқичларини жуда қиздириб юбориш шарт эмас – бу сочларингизнинг тузилишини шикастлаб қўйиши мумкин.
Сочларни тўғирлаш учун, уларни қисқичлар билан маҳкам сиқиб қўйиб, “тортиш” шарт эмас – сочлар ва қисқичлар оралиғида бироз ҳаволи қатлам қолдирсангиз кифоя (бу сочларингизда исталган ҳажмни сақлаб қолади). Сочлар учларини эса, уларда ҳеч бўлмаса 3-5 сония тўхтаб, охиригача яхшилаб “тортиб” қўйиш муҳим саналади. Сатҳларни бирин-кетин туширинг ва ҳаракатлар алгоритмини такрорланг.
Соч тутамларининг ҳаммасини тўғирлаб бўлганингиздан сўнг, сочларингизга ўртача даражада қотириб қўядиган лак сепиб, бармоқларингиз билан уларнинг илдизларини бироз ҳурпайтириб қўйинг. Лак сепиб бўлганингиздан сўнг сочларингизга бироз совуша имкон иберинг. Соч турмаги йўлга чиқишга тайёр!