Корея бренди Elizavecca косметикаси билан танишинг
23.02.2018
Чиройли ва соғлом тери – ҳар қандай аёлнинг орзуси. Унга эришиш учун аёллар кўп вақтларини, сабрларини ва мос косметикани топиш учун пулларини сарфлашади. Биз эса гўзал ва соғлом тери ҳақидаги орзуларни мана шундай қурбонликларсиз ҳам амалга оширадиган мос косметикалар қаторини тавсия қила оламиз! Демак, жу-у-да ҳам машҳур ва ривожланган корейс брендидан парвариш воситаларини ўзингиз учун кашф қилиш вақти келди. Гап Elizavecca компанияси ҳақида бормоқда. У доно ва тўппа-тўғри бўлган шиорга эга: “Гўзаллик тўғри танловдан вужудга келади”.
ELIZAVECCA БРЕНДИ ТАРИХИ
Узоқ 1986 йили MIZ Trade Inc компанияси ташкил топди. У ишлаб чиқаришда катта миқдорда товар айирбошлашга ва мижозларнинг ишончига эришди. Унинг асосида кўпгина машҳур корейс брендлари ташкил этилган, улар орасида бугунги кунда энг ноёб ва танилгани Elizavecca ҳисобланади. Ушбу ишлаб чиқарувчининг косметикаси бошқарувчи-компания MIZ Trade Inc нинг мустаҳкам концепциясига мос ҳолда ишлаб чиқарилади:
- Маҳсулотнинг ажойиб сифати;
- Воситаларнинг 100% хавфсизлиги ва самарадорлиги;
- Компонентларнинг қаттиқ назорат остида танланиши ва худди шундай равишда ишлаб чиқаришнинг бошқарилиши;
- Ўз-ўзини тақдим қилувчи ва синалган косметика.
Elizavecca маҳсулотлари майда-чуйда жиҳатларигача, таркибдан тортиб, ўрамигача яхшилаб ўйланган. Компания логотипи бўлган ушбу ёқимтой қуёнчага бир назар ташлашнинг ўзи кифоя!
Оқ-қора япроқчалар билан безалган ёқимтой жонивор – замонавий корейс бренди ихтисослашган маҳсулотларнинг табиийлиги ва хавфсизлиги рамзидир. Дарвоқе, у нафақат ўз мижозлари ҳақида, балки атрофимизни ўраб турган табиат ҳақида ҳам қайғуради. Чунки унинг товарлари бутунлай экологикдир.
ELIZAVECCA КОРЕЙС КОСМЕТИКАСИНИНГ ХУСУСИЯТЛАРИ
Ёрқин дизайн, ноодатий ўрам ва “ёқимтойлик”нинг юқори даражаси – булар Elizavecca косметикасининг ажралиб турувчи жиҳатларидир. У эътиборингизни тезда ўзига жалб қилади ва сизни аниқ бефарқ қолдирмайди! Аммо оригинал ўрам – ушбу бренд воситаларининг ягона афзаллиги эмас. Келинг, унинг бошқа ижобий тарафлари билан ҳам танишамиз!
1 Таркиб. Табиий ва ноёб компонентларга эгалиги, аллергия чақирувчи қўшимчаларнинг йўқлиги: ГМО, парабен, синтетик бўёқлар.
2 Самарадорлик. Косметика ҳақиқатан кўз олдингизда ўз натижасини беради. Бу кўплаб харидорларнинг акс-садоси ва, албатта, бренднинг жаҳон бўйлаб машҳурлигини тасдиқлайди.
3 Ривожланиш. Яхшигина обрў-этибори ҳамда “намунавий” воситаларига қарамасдан, бренд мунтазам такомиллашиб боради, янада инновацион, самара берувчи ва таъсир кўрсатувчи янги косметикаларни яратиб келади.
4 Қулайлилик. Барча косметикалар сифатли, қулай, гигиеник (ва ёқимтой) ўрамларга жойлаштирилади.
ELIZAVECCA АССОРТИМЕНТИ
Бир қарашда, ушбу бренд косметикаси ёш қизлар учун мўлжаллангандек кўриниши мумкин – ёрқин ва енгил безалгани сабабли. Аммо ишлаб чиқарувчининг ассортименти ўз қаторига турли ёш, муаммо ва вазифа учун мўлжалланган воситаларни қамраб олган: парваришловчи ва пардоз косметикаси, юз ва соч, тана ва оёқ учун восита.
Юз учун ниқоблар жуда катта машҳурлик билан фойдаланилади, улар кенг хилма-хилликда тақдим этилган:
- Матоли;
- Кремли;
- Ниқоб-пленкалар;
- Патчлар;
- Тунги ва кундузги;
- Гидрогелли.
Elizavecca нинг энг машҳур серияларидан бири milky piggy ҳисобланади, уни қувноқ чўчқача тасвири орқали ажратиб олиш мумкин. Қизиғи, ушбу ёқимтой персонаж турли образларда, фаришта чўчқачадан бошлаб, шўх-чўчқа образларигача хилма-хил кўринишда намойиш этилган.
МАРКАНИНГ БЕСТСЕЛЛЕРЛАРИ
Elizavecca маҳсулотларининг Ўзбекистонда тарқалганига кўп бўлгани йўқ, аммо харидорлар аллақачон ўз севимли воситаларини топиб улгуришган. Эътиборингизга ишончингизни 100% оқловчи ва ўз-ўзини муносиб тақдим қилувчи 5та энг-энг воситаларни ҳавола этамиз.
Milky Piggy Elastic Pore Cleansing Foam. Қора рангли кўпик, таркибида писта кўмирнинг керакли миқдори, ўргимчак пептид, гидролизланган коллаген, аллантоин, папая экстракти.
- Писта кўмир – тешикчалардан иборат тери ёғларини сўриб олади, енгил силлиқлайди.
- Ўргимчак пептид – терини янада эгилувчан қилади, бунинг эвазига тешикларни торайтириш натижасини беради.
- Коллаген – кўпик чуқур тозалашга қаратилган бўлса-да, терини юмшоқ ва намланган ҳолга келтиради.
- Аллантоин – қичишган терини тинчлантириш ва регенерация жараёнини тезлаштириш учун.
- Папая экстракти – тешикчаларни эҳтиёткорлик билан тозалайди.
Elizavecca Milky Piggy Glutinous Mask 80% Snail Cream юз учун крем-ниқоби. Муцин қисмчаларидан иборат тунги крем-ниқоб. У ёшартиришга ёрдам беради, тешикчаларнинг ўсишига таъсир кўрсатади, кичик жароҳатларни ва барча бўлиши мумкин бўлган тери жароҳатларини тиклайди, шунингдек, чандиқларни тиклайди (айниқса, акнега ўхшаш терининг жиддий муаммолари мавжуд аёлларга тавсия қилинади).
Green Piggy Collagen Jella Pack. Терининг таранглиги ва эластиклигини таъминловчи Elizavecca Green Piggy Collagen Jella Pack юқори концентрацияли коллаген ниқоби 50% (50000мг) коллаген, аденозин, дуккакли ўсимликларнинг ферментланган экстракти, макадамия ёнғоғи ёғи, какао дони ёғидан таркиб топган. Ниқоб текстураси исталган тери тури учун мос келади, 50% коллагендан ташкил топган, терининг таранглиги ва эластиклигини интенсив равишда сақлайди. Ёшартирувчи ниқоб коллаген ва эластин синтезини кучайтиради, бир ондаёқ тортишувчи натижасини кўрсатади, терини ҳайратланарли равишда текис ва ёрқин ҳолатга келтиради.
Hell-Pore Clean Up Aha Fruit Toner. Кислотали пилинг-тоник – тери камчиликларига қарши жуда яхши восита: қора нуқталар, ажинлар, пигментли доғларни йўқотишга ёрдам беради.
Milky Piggy Carbonated Bubble Clay. Elizavecca нинг тозаловчи кислородли ниқоби ўзининг самарадорлиги ва ноёб таъсири билан харидорлар орасида ҳайратларга сазовор бўлган. Ҳавода у қуюқ кўпикка айланади, фаол кўпик ҳосил қилиб, ёрилади. Терингиз учун ҳақиқий кислородли коктейль!
Бугунги кунда парваришлаш косметикасига ихтисослашган косметик брендлар жуда кўп, шунинг учун муносиб маҳсулотни топиш ростан ҳам қийин. Агар сиз бюджетга мос, аммо “ишловчи” ва юз, тана ва сочлар парваришида самарадор косметика қидираётган бўлсангиз, албатта, Elizavecca воситалари қаторига эътибор қаратинг. Улар ўзининг сифати, нархи ва, албатта, қувноқ безаклари билан сизни забт этади.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.