Tug’ri kelmagan kosmetikani saqlash mumkin emas. Tashlab yuvorish kerak.
30.11.2017
Баъзан дўкондан янги крем, пудра ёки лаб бўёғи оласиз-у, аммо кейин биринчи ишлатишдаёқ у сизга мос эмаслигини англаб етасиз. Гоҳ ранги мос эмас, гоҳида текстураси бошқача. Жуда ҳам ёғли крем аралаш турдаги терида ялтироқлик қолдиради, пудра эса рангингизни ҳаддан ташқари тўқ қилиб юборади ёки аксинча – нотабиий равишда юзни ёритиб юборади. Бундай воситани ташлаб юбориш ҳам ярамайди – ахир озгина пул кетган эмас. Аммо бундай мос бўлмаган косметика воситасидан фойдаланиб ҳам бўлмайди. Яхши янгилик: ҳар бир косметика воситасига иккинчи имкониятни бериш мумкин, уни қандай қилиб амалга ошириш мумкинлиги ҳақида ушбу мақоламизда сўз юритамиз!
Энг оддий вариант – воситани дугонангиз, ойингиз, синглингиз ёки опангизга ҳадя қилишингиз мумкин. Аммо ушбу восита сифатли бўлган ва шунчаки сизнинг тери турингизга мос келмаган ҳолдагина. Лекин кўпчилик аёллар шахсан ўзлари косметик воситаларни танлашни афзал кўришади ва ҳамма ҳам бундай совғадан, кутилмаган бўлса ҳам, хурсанд бўлмаслиги мумкин. Бу ҳолда яна бир вариант қолади – шунчаки сотиб олинган воситадан фойдаланиш, аммо... унинг белгиланган вазифасига кўра.
Лаб бўёғининг рангини қовоқлар учун тень ёрдамида тўғирлаш мумкин. Уларнинг озроқ қисмини бир-бирига аралаштириб, якуний вариантни чўткача орқали лабга суриш мумкин. Бунинг натижасида лаб бўёғини янада тўқроқ, ёрқинроқ ёки садаф рангли кўринишга келтириш мумкин.
Юз учун мўлжалланган крем қўл, оёқ ёки бутун тана парвариши учун жуда асқотади. Бу қисмлардаги тери унча нозик ва таъсирчан эмас, аммо кучли озиқлантириш ва намлантиришга муҳтож. Шу тарзда жуда қўпол туюлган юз учун скраблардан фойдаланса ҳам бўлади, яъни у қўл ёки оёқ остига жуда мос келади.
Соч учун кондиционерни айнан тескари мақсадда ишлатиш мумкин, яъни тук олиш учун гель сифатида. Дарвоқе, у кўпикдан кўра қулайроқ, чунки восита тукларни юмшатади, лезвиенинг енгил ҳаракатига ёрдам беради ва ёқимсиз туклардан идеал равишда халос бўлишга кўмак беради. Шунингдек, кондиционер ёрдамида тук олиш терини қичиштирмайди.
Шампунни ванна учун кўпик ўрнида душ учун гель сифатида ёки умуман суюқ совун сифатида ишлатиш мумкин. Аммо у терини қуритиб юбориши мумкин. Шунинг учун кўпикларга хоҳиший равишда озроқ парваришловчи ёғдан қўшиш мумкин, масалан, бодом ёки авокадо ёғи терини қўшимча тарзда озиқлантиради. Шунингдек, шампунни кир ювиш кукунини ишлатиш мумкин бўлмаган нозик матоли кийимларни ювишда ишлатса ҳам бўлади.
Тонал асос – унинг рангини дўконда, айниқса, ёмон ёруғликда билиш жуда қийин. Агар ранг танлашда бироз адашган бўлсангиз, бунинг қўрқинчли жойи йўқ. Жуда тўқ рангни унга оддий кундузги кремни қўшиш орқали очартириш мумкин ва бунда иккита воситани алоҳида-алоҳида суртиш керак бўлмайди. Жуда ёрқин тонал асосга эса румяна қўшиш мумкин, фақат пушти ранглисини эмас, балки сарғиш туслисини.
Косметика сумкачасидаги воситаларни ёки ванна жавончасининг ичини қайта кўриб чиқишнинг ва айрим воситаларга сизга фойда келтиришлари учун яна бир имкон беришнинг айни вақти.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.