Терини парваришлашда 10 та одат булган хатолар
21.09.2017
Терингизнинг ранги хира ва нурсизми? Ҳуснбузар ва себореялар сизни безовта қиляптими? Бунга сабаб юзингизга тўғри келмайдиган парвариш бўлиши мумкин. Соғлом ва ёрқин кўринишни тиклаш учун нималарни ўзгартирмоқ керак? Makeup.uz маълумот беради!
1. Макияжни чала тозалаш
Бу кўпчилик аёллар орасида кенг тарқалган хатоликдир. Кечқурун узоқ ва чарчатувчи иш кунидан сўнг терини яхшилаб ва узоқ вақт тозалашга вақт сарфлашни ким ҳам хоҳларди? Аммо айнан тозалаш – терини самарали парваришлаш учун қўйилган биринчи қадам. Чарчагач, биз кўп “хато” ларга йўл қўямиз, бу эса бизнинг ташқи кўринишимизга ўзининг салбий таъсирини кўрсатмай қолмайди. Биз, одатда, терида косметика қолдиқларини, шунингдек, кир, терлаш белгилари ва себумни ташлаб кетувчи макияж ўчириш воситаларидан фойдаланамиз. Натижада тери қопламимиз ўзининг жилосини йўқотади, нотекис ва хира кўринишга келади, тешикчалар эса ёпилиб қолади. Аслида яхшилаб тозалаш учун ҳар куни бир неча дақиқани сарлаш кифоя. Таъкидлаш керакки, тоза тери парвариш учун мўлжалланган косметикаларнинг фаол ингредиентларини яхшироқ сингдириб олади.
2. Макияжни ўчириш учун нотўғри танланган восита
Макияжни ўчириш учун тонал воситалар, тень ва киприклардаги тушни самарали тозаловчи косметика воситаларидан фойдаланиш керак. Бу борада ёғли мицелляр сувлар яхши натижа кўрсатади. Макияжни тозалаш жараёнида микроциркуляцияни кучайтиришга хизмат қиладиган енгил уқалаш ҳаракатларини қўллаш мумкин. Ундан кейин терингизнинг турига мос келувчи пенка ёки ювиш учун гелдан фойдаланиб, юзни ювиш зарур.
3.Тоникнинг йўқлиги
Тоник ҳақида унутмаслик лозим, чунки у чиройли тери учун курашишда энг муҳим ҳамроҳдир. У нафақат кир қолдиқларни тозалайди, балки терини соф кўринишга келтиради, унинг нормал рН (водородли кўрсаткичи) ни тиклайди.
4.Нотўғри танланган кремлар
Юз учун кремлар – терини кундалик парваришлашнинг асоси ҳисобланади. Улар тери қопламини керакли озиқлантирувчи, намлантирувчи ва тикловчи моддалар билан таъминлайдиган бой фаол ингредиентларни ўзида жамлайди. Ёдда тутинг, илк натижани кўра олишингиз учун кўпчилик косметик воситаларни 4-6 ҳафта давомида ишлатиш зарур. Агар шу вақт ўтгандан сўнг ҳам натижадан кўнглингиз тўлмаса, унда воситани бошқа яхшироғига алмаштириш зарур.
5.Қўллашнинг нотўғри кетма-кетлиги
Косметика воситалари қатъий кетма-кетликда қўлланилиши зарур. Аввал енгил маҳсулотларни ишлатамиз, охирида – “оғир артиллерия”ни қўллаймиз. Яъни, биринчи ўринда, сувли асосдан иборат маҳсулотлардан бошлаш керак, кейин эса таркибида ёғ мавжуд бўлган воситаларни қўллаш мумкин. Шунинг учун белгиланган қоидани ёдда тутиш керак: зардобни кремлардан олдин ишлатамиз. Бу уларнинг таъсиридаги самарадорликни белгилайди.
6. УФ-фильтрли кремлар фақатгина ёзда
Ҳатто энг булутли кунларда ҳам теримиз ультра бинафша нурлари таъсирига учрайди. Ундан уйимиз ёки автомобилимиздаги ҳеч қандай ойна ҳам сақлай олмайди. Биз ҳаттоки ишда ҳам хавфсиз эмасмиз. Бунда эҳтиёт бўлиш кераклигига сабаб люминесценцияли чироқлардир, улар терига салбий таъсир кўрсатиши мумкин. УФ-фильтрли воситаларни мунтазам қўллаш туфайли тери секинроқ қарийди. Шунингдек, улар пигментли доғларнинг пайдо бўлишига қарши қўшимча ҳимоя ҳам ҳисобланади.
7. Ҳуснбузарларни сиқиш
Бундай зарарли одат билан, албатта, курашиш зарур. У терининг зарарланишига ва доимий яраларнинг ҳосил бўлишига олиб келиши мумкин. Бундан ташқари, ҳуснбузарларни сиқиш юздаги ўзгаришларнинг кескин тус олишига сабаб бўлади: тери қизарган, ачишган ҳолга келади ва юзнинг соғлом қисмларига ҳам инфекция тарқалиши хавфи вужудга келади. Шуни ҳам унутмаслик керакки, бу зарарли одат гиперпигментациянинг ҳосил бўлиши хавфини кучайтиради.
8. Пилинг ва скраблардан қочиш
Терингиз таъсирчан, қичишишга мойил ва капиллярлари кенгайганми? Скраблар сиз учун эмас, деб ҳисоблайсизми? Бу – катта хато. Ҳар бир тери, ўзининг туридан қатъий назар, тозалаш нима эканлигини ҳис қилиши керак. Шунчаки тери қоплами турига мос равишда восита танлаш керак, холос. Биз учун косметика бозори скраб ва пилингларнинг турли хилларини тақдим қилади: механик, ифорли, ферментли ёки кислотали.
9. Кўз учун кремдан воз кечиш
Кўз ости териси тезда қарийди ва алоҳида парваришни талаб қилади. У яхши парвариш қилинмаса, ёшимизга ёш қўшади. Тўғри танланган ва мунтазам қўлланиладиган кўз учун крем бизни ёрқин ва соф кўринишимизга “мажбурлайди”. Таркибига намлантирувчи гиалурон кислотаси, терининг регенарациясини кучайтирувчи ретинол ва терининг таранглигини яхшиловчи коэнзим Q 10 моддалари кирувчи воситаларни танлаган маъқул. Таркибида оқсил, керамид ва соя экстрактлари мавжуд воситалар самарали таъсир кўрсатади. Кўз остидаги нозик терини фақат кремлар билан эмас, балки таркибида С, Е витамини ҳамда алое вера экстракти мавжуд гель ва лосьонлар билан ҳам парвариш қилиш зарур.
10. Турмуш тарзи
Агар биз соғлом, мева ва сабзавотлар билан бойитилган парҳезларга амал қилмасак, ҳатто энг яхши косметика ҳам теримизнинг ёш ва чиройлилигини кафолатлай олмайди. Стресс ва стимуляторлардан қочишга ҳаракат қилиш лозим, вақтни кўпроқ спортга, тоза ҳаводаги фаол дам олишга ва узоқ, тинч уйқуга сарфлаш керак. Ва энг асосийси, ўзни севиш ва гўзаллигимиз ўз қўлимизда эканлигини ёдда тутишимиз зарур.
Умид қиламизки, энди бу хатолардан қочишга муваффақ бўласиз ва бунинг учун терингиз сиздан миннатдор бўлади!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.