21- 27 август ҳафтасига мунажимлар башорати
21.08.2017
Ёзнинг сўнгги кунлари... Уларни қандай ўтказган маъқул? Дам олишгами? Ишгами? Суҳбат ёки шахсий муносабатларгами? Мунажжимлар башорати сўзлайди!
Қўй
Ўтган ҳафта Қўй буржи остидагилар иш қидириш, дам олишга тайёргарлик, қарзларни қайтариш, уйни тўлиқ тозалаш ва ўзини ўзгартириш каби “осилиб турган” барча масалаларни мустаҳкам ҳал қилдилар. Ва бунинг барчаси келаётган ҳафтани ўзингизга сарфлаш учун имкондир. Тўғрироғи, булар шунчаки имкон эмас, балки жиддий мақсадлардир: севги, романтик кечалар ва фақат икки киши учун сафарлар, ҳиссий оғирликдан қутулиш, умуман олганда, ўзингиз ва жуфтингиз учун вақт. Балки яна бир-иккита майда ишлар бордир, аммо улар сиз томонингиздан муваффақиятли ҳал қилинади, кейин эса бутун воқеалар кутилмаган томонларга ўзгариб кетиши мумкин. Қариндошларингиз сизнинг муносабатларингизга аралашиши ва орангиздаги турмуш тарзи ёки муносабатлардаги “ноидеаллик” ҳақида ўткинчи огоҳлантиришлар беришни бошлаши мумкин. Ёки эрталаб ва ярим кечаси севгилингизни сиздан узоқлаштирувчи унга келаётган бемаҳал шубҳали қўнғироқлар ёки хабарлар эътиборингизни тортади. Рашк сизнинг романтик симфониянгизда биринчи скрипкани чалади яъни у биринчи ўринда туради. Жуфтингиз томонидан сиз тарафга ташқаридан эътиборларни кўп қабул қилаётганингиз ва балки, аллақачон бошқасини излаётганингиз, хиёнат қилганингиз ҳақида айбловлар билдирилиши мумкин. Унинг устига сизни турмуш муаммолари безовта қилади. Агар сиз ижарада турган бўлсангиз, ижарага берувчи томонидан шикоятлар билдирилиши мумкин. Агарда ўзингизнинг хусусий хонадонингиз бўлса, бош оғриғи қўшнилар томонидан бошланади – “тинчлик соатларида” таъмирлаш ёки кун бўйи ўтказган ўтиришлар туфайли. Юлдузлар сизга биргина маслаҳатни беришмоқда, асабларингизни сақлаш учун – ҳиссий оғирликни жисмоний ҳаракатларга алмаштиринг. Бошқача айтганда, югуриш учун спортзалга боринг, фақат зиналардан чиқинг, кучугингиз билан югуринг, барча йога- клубларига бориб кўринг ва ҳаммасидан синаб кўриш учун берилган бепул дарсларда қатнашинг.
Сигир
Сигирлар тушунарсиз сабаб билан ўз атрофига ғиштдан девор қуриб олишни истаб қолишади. Унинг ортидан эса чуқур ковак қазиб ичига овоз ўтказмайдиган бункер қуриб олишади. Бунинг ҳаммаси эса бошқа одамларни, ҳатто оила аъзоларини ҳам кўрмаслик ва эшитмаслик учундир. Ҳаттоки болаларини ҳам бир ойга денгиз олдига дам олиш жойларига жўнатиш ва ўзи учун яшашни хохлаб қолади. Бундай ўзини тутишдан кейин, албатта, ўзингиздан барчани узоқлаштиришни хохласангиз, бундай инсонларга ёлғиз қолишни маслаҳат берамиз. Шу боис ҳам устомон бўлинг, бўлмаса агрессияда тушунмовчиликларга дуч келасиз. Фақатгина атрофдагиларингизни нонушта билан сийламанг – учрашишга ваъда берманг, қўнғироқ қилинг ва “кейинроқ” ёрдам бериш ёки меҳмонга келишини айтинг. Бундай ёлғизликни хоҳлаш тез орада ўтиб кетади, лекин сиз дарров берган ваъдаларингиз устидан чиқишга ҳали тайёрмассиз. Бунда яқиндагина ҳаёти янги босқичга кўтарилганларнинг омади келади. Агар сиз ўз иш жойингизни ўзгартирган ва бир ҳафта олдин ёқимли инсонни учратган бўлсангиз, унда омад сиз тарафда бўлади, худди банк каби – мижозлари кўп мулки билан бирга. Агар сиз ёлғиз бўлсангиз, бу ҳафтада катта севгига учраш эҳтимолингиз бор.
Эгизаклар
Ҳафтанинг биринчи ярмида ҳар қандай инвесторлар, жумладан, банк, ҳамкасб ва дўстлар, сизга фойдали битим, қўшимча пул топиш ва “енгил” пул олишни таклиф қиладиганлардан узоқроқ бўлган яхши. Айниқса, хизматингизга унча катта бўлмаган гонорар таклиф қилувчи афсонавий керакли одамлар билан танишишни таклиф қилишса. Бу даврда ҳеч қандай янги алоқаларни маслаҳат бермаймиз. Сизнинг энг ишончли дўстларингиз – севган инсонингиз, болалар ва оила аъзоларингиз. Қандай ҳужжатларга имзо чекаётганингизни диққат билан кузатинг, яхшиси – ҳужжат айланишида иштирок этманг. Пуллар ва йиғилган маблағингизни уйингизда сақланг, қарзга берманг ва уларни ҳеч қаерга омонатга қўйманг. Молиявий чуқурликка қулаш таваккали бор. Фақат умидсизликка тушманг ва қора чизиқлар бир умрга сизнинг ҳаётингизда чўзилиб ётмаслиги учун ўзингиздан бемаъни хаёлларни ҳайданг. Сиз табиатан омадли эканингизни ҳисобга олсак, бундай вақтинчалик сукунат ва омадсизликни катта бир муаммо деб аташ шарт эмас. Тез орада сиз яна ўз тўлқинингизни тутасиз ва атрофингиздагилар ҳавас билан қарайдиган омадли инсонга айланасиз.
Қисқичбақа
Аввал режалаштириб турган ҳамма нарсани бажариш учун сиз вақт ва имкониятлардан чегараланасиз. Сафарлар, учрашувлар, кўришишлар, суҳбатлар бемаъни сабаблар туфайли барбод бўлиши мумкин. Сиз ухлаб қолишингиз, пошнангизни синдиришингиз, тирбандликда қолишингиз, керак бўлмаган автобусга чиқиб қолишингиз, такси ҳайдовчи эса навигаторсиз сизни шаҳарнинг бошқа томонига олиб бориши мумкин. Севган инсонингиз билан муносабат эса тангликдан эмас, балки арзимаган майда келишмовчиликлардан бузилиши мумкин. Аммо пул эса сизни ҳеч қачон бунчалик яхши кўрмаган. Унчалик таниш бўлмаган одамлар сизга моддий ёрдам таклиф қилишлари мумкин, яқин бўлмаган дўстларингиз эса – қимматбаҳо совғалар тақдим этишади. Шу билан бирга пул сизни топади – ютиб олишингиз, валюталарнинг ўзгариши билан сотиш ёки майда топшириқларни бажариш орқали пул ишлаш кутилади. Дўконларда сизни аъло даражадаги чегирмалар кутмоқда, ресторан ва барларда эса – бепул дегустация ва “чиройли кўзлар учун” мақтовлар билдирилади. Агар сиз турмушга чиқмаган бўлсангиз, унда серфинг томон отланинг...интернетда! Орзуингиздаги эркаклар ўз анкеталарини у ерга қўйиб қўйишган ва сизнинг онлайнда чиқишингизни кутишмоқда. Ёшлар “олов” каби қизлар билан ишдан қайтаётганда ўртоқларининг олдига кутилмаганда келишган пайт меҳмондорчиликларда тез танишишади.
Арслон
Сукунат давридан кейин ва жисмоний жимжитликдан сўнг фаол муваффақиятлар даври келади. Сиз нафақат ҳар қандай ишхонадаги топшириқларни енгил уддалайсиз, балки, ўзингизнинг чидамлилигингизни ҳам ҳис қиласиз. Масалан, дарсдан ташқари ёки таваккал лойиҳаларга рози бўлинг, ҳамкасбларингиз ва раҳбариятга яна бир бор сиз алмаштириб бўлмайдиган ходим ва катта ҳарфлар билан Шахс эканингизни кўрсатиб қўйинг. Ҳамма билан гаплашишга, айниқса, кўз остингизга олганлар билан мулоқот қилишга сизда параллел равишда куч ва иштиёқ етарли. Сиз ҳаттоки пичоқнинг ўткир жойидан ҳам соғ чиқишингиз ва раҳбарлардан биронтасидан мақтов эшитишингиз ҳам мумкин. Бунда хушмуомалалигингиздан мақсад мавқеингиз ўсиши ёки “сизнинг кучли офисингиз” протекциясига тушиш эмас. Бу сиз учун ўзига хос ўйин ва ичингизда тўпланиб қолган адреналинни чиқариб ташлаш имкониятидир. Ҳафта охирида ҳақиқатан ҳам сизнинг асабларингизни тинчлантирадиган романтика ва ишқий муносабатларсиз зерикаётганингизни англайсиз. Агар сиз жуфтликда бўлсангиз, шеригингиз билан истакларингизни ўртоқлашинг, агар ёлғиз бўлсангиз – дам олиш кунлари клуб ёки ресторанларга боринг. У ерда сизнинг истарали қиёфангиз юқори даражада баҳоланади, кейинги ҳафтада сиз янги “муносабат”ларни бошлайсиз.
Сунбула
Бу ҳафтада сиз шахсий муносабатларни пул билан боғлиқ алоқаларга аралаштирманг. Агар сизнинг жуфтлигингизда турмуш етишмовчиликлари бор бўлса, бу ҳолатни тузатса бўлиши ҳақида севгилингизни ишонтиринг. Агар сиз ҳаддан ташқари сарф қилишда айблансангиз, вақтинчалик кредитлардан воз кечинг ва ресторанлардан кўра, дўстларингизникига меҳмонга боринг. Ўртоқлар, унчалик оилангизга яқин бўлмаганлар ва айниқса, ҳамкасбларга моддий ёрдам беришни қатъий рад этиш лозим. Бу ҳафтада сизнинг пулларингиз дам олиши керак. Ёки ҳамёнингизда турсин ёки ҳисобингизда. Фақат яхши томонга ўзгариш учунгина сарфлашингиз мумкин. Масалан, ўзингизга бир марталик яъни косметолог ёки врач қабулига сарфлаш мумкин. Узоққа чўзиладиган абонементлар хариди ва дўконма – дўкон нарсалар сотиб олишдан ўзингизни тийинг. Яна сизни ажойиб учрашув кутмоқда – сизнинг олдингизга анчадан бери кўрмаган инсон келиши ёки ишхонада сизнинг бўлимингизга янги ва ёқимли ходим келиши ҳамда сиз у билан ишончли дўстона алоқа ўрнатишингиз мумкин.
Тарози
Тарозилар ўзларидан шубҳа қилиб, танлаган касбларида яхши натижаларга эришишга қодир эмасликлари ҳақида ўйлай бошлайдилар. Агар сиз яқинда янги лойиҳанинг иштирокчиси ёки ижрочисига айланган бўлсангиз ёки янги лавозимга ўтган бўлсангиз, унда шунчаки чуқур нафас олинг – сиз профессионал мослашиш даврини бошингиздан кечиряпсиз. Барча янги нарсалар илдиз отиши, ундан кейин ўз ҳосилини бериши керак. Агар сиз креатор ва инвестор сифатида шахсий лойиҳангизни амалга ошираётган бўлсангиз, унда вақтинчалик глобал мақсадлар қўйишдан воз кечинг ва ўзингизни кундалик вазифалар билан банд қилиб ташламанг. Яхшиси, секингина ҳозирги воз кечиш ёки кейинга қолдириб бўлмайдиган жараёнлар билан шуғулланинг. Шунингдек, дўстларингиз ёки оила аъзоларингиз ҳаётига аралашиб, бекорга қувватингизни сарфламанг. Айниқса, тинчлик ҳаками ёки элчи вазифасида бўлишга рози бўлманг. Биринчидан, инсонлар сизсиз ҳам ўзаро келишиб олишади, иккинчидан эса, ва ниҳоят, ўз қувватингизни ўз ҳаётингизга ва келажакдаги профессионал ва молиявий муваффақиятингизга йўналтиринг.
Чаён
Бюрократик қолоқлик ва давлат инстанцияларида деворни ошиб ўтиб бўлмаслик ҳолатлари билан тўқнашишингизга тўғри келади, шунинг учун шахсан ўзингиз “пулсиз – ҳеч ким” эканлигингизга амин бўласиз. Эҳтимол, қонун билан боғлиқ ишларда ўзингизнинг ҳақлигингизни исбот қилиш ёки бой мижозга қарши компаниянгизни ҳимоя қилувчи вакил сифатида қатнашишга тўғри келар. Ҳар қандай келаётган стресс олдидан севимли инсонингиз ёки оила даврасида вақт ўтказганингиз маъқул, шунда яқин инсонларингиз қувватингизни оширишга ёрдам беради. Саёҳатларни кейинга қолдирган маъқул, айниқса, бу ҳафта жуда кўп ишлар пайдо бўладики, уларни пайсалга солиб бўлмайди. Агарда сал олдинроқ омма орасида қандайдир баландпарвоз гаплар айтган ва кимнингдир обрўсини шубҳага солиб қўйган бўлсангиз, масалан, шикоят ёзган ёки судда гувоҳ сифатида қатнашган бўлсангиз, унда ҳозир сиз муҳокама қилинаётган мавзуда энг билимли эканингизни исботлаган ҳолда ўз сўзларингизга жавоб беришингизга тўғри келади. Шундай экан, ҳушёр бўлинг, ушбу етти кун мобайнида барча нигоҳлар сизга қаратилган бўлади ва сиз ўзингизни худди микроскоп остида кузатилаётгандек ҳис қиласиз.
Ўқотар
Севги ва ҳиссий фаолликни хоҳлаяпсиз, тўғрими? Ҳаттоки бу кечинмаларнинг мавжуд жуфтингизга боғлиқлиги борми-йўқми ёки яширин учрашувларга рози бўлиб, ташқи томондан эътиборни қабул қилиш керакми – бу аллақачон аҳамиятсиз бўлиб улгурган. Юлдузлар сизга яна бир бор ўйлаб кўришни тавсия қилишмоқда. Биринчидан, барча учи ўткир нарсалардан узоқроқ юриш тавсия қилинади, севги эса баъзан Дамашқ шамширидан ҳам чуқурроқ жароҳат беради. Иккинчидан, бу вақт таваккал ва қалтис ишлар учун мос эмас. Агар сиз ёлғиз бўлсангиз ва ортингиздан анча вақтдан бери ва муваффақиятсиз ғамхўрлик қилиб юрган бўлса-ю, унинг виждонлилиги ва яхши инсонлигига нафақат сиз, балки бошқа кишилар амин бўлса, бу бутунлай бошқа масала. Ички мустаҳкамлик ва руҳий ёрдам ҳеч қачон ортиқчалик қилмайди. Бир сиз билан айтганда, ўзингиз учун хавфсизликни танланг – янги жойларга борманг, кам танийдиган инсонларга яқинлашманг. Шунингдек, пулларга ҳам тежамкор муносабатда бўлинг, кармонингизни очиқ жойда қолдирманг ва агарда оломон орасида ўтиб кетаётган кимдир билет сотиб олишга пул сўраш учун сизни танласа, ачиниш ҳиссига берилманг.
Тоғ эчкиси
Ўзингизни анча хотиржам ва тинч тутаётган бўлсангиз ҳам, нимагадир атрофингиздаги инсонлар сизни ғашга тегувчи кишидек ҳисоблаб, юзингизга тик қараб, ёқимсиз сўзларни айтиши мумкин. Яқин инсонлар билан майлику-я, уларга овозингизни кўтариб жавоб қайтаришингиз мумкин, аммо ҳамкасблар, энг ёмони, раҳбарият тирноғингиз остидан кир қидиришади. Сизнинг карьерангиз ҳолати, моддий фойда ёки ўқишдаги муваффақиятингиз боғлиқ бўлган инсонлар билан, яхшиси, камроқ алоқа қилган маъқул. Ундан ҳам яхшиси, барча учрашувларни кейинга қолдирганингиз мақсадга мувофиқ. Севимли инсонингиз билан мунозарадан қочишнинг иложи йўққа ўхшайди, айниқса, сиз келишишга ҳаракат қилаётган ва кўп бора ўткир учларни текислаган бўлсангиз. Энди жуфтингизга ўз истакларингиз ҳақида айтишни хоҳлайсиз, бу эса қарши томондан худбинлик деб баҳоланиши мумкин. Нима ҳам қилардингиз, агар барча ҳиссиётларингизни ичда сақлай десангиз, яхшиси, ички салбий ҳисларни тўплаб, ички портлашга олиб келмаган маъқул. Аммо экстремал дам олишга биргаликда бориб, яқинлашаётган апокалипсисни узоқлаштиришга ҳаракат қилиб кўриш ҳам мумкин. Ҳаво шарлари ёки енгил моторли самолётларда учишни, парашютдан сакрашни, страйк-болл кабиларни таклиф қилувчи компанияларнинг сайтини ўрганиб чиқинг. Ёки шунчаки биргаликда қўрқинчли фильм томоша қилишга боринг.
Қовға
Сизнинг ҳаётингиздаги нафсга берилиш миянгизни “ўчириш” режимига алмаштириши мумкин. Бу зарарли одатлар ва ҳаддан ташқари жўшқин дам олишлар, оқшомги ҳаёт тарзи, касбга оид ваколатнинг ошиши ва албатта, севги учбурчаги остидаги сирли учрашувларга боғлиқ. Эрта ёки кеч ҳамма хиёнаткорлар тутилади, сиз шу ҳафтадаёқ ўзингизни ошкор қилиб қўясиз. Бундан фақат сиз хафа бўлмайсиз, балки сизнинг расмий шеригингиз ҳам ҳатто сизнинг икки томонлама ҳаётингизга изоҳ бермасдан ҳам, ўз ҳаётидан бутунлай ўчириб ташлайди. Шунинг учун барча сирли саргузаштларингизни тезроқ якунланг. Умуман, сизнинг кўпгина сирларингиз тунги ёмон тушга айланиши мумкин. Масалан, сизга қарши ким биландир корпоратив ахборотни ўртоқлашиш, бирор нарсани чайқовчилик нархида сотиш, кимнингдир меҳрини таъмагирлик мақсадларида фойдаланиш, иш бўйича ҳамкасбингизни чув туширишга уринишлар бошқа томонга ўзгариб кетиши мумкин.
Балиқ
Балиқларга эса, бошқа бурж остидагилардан фарқ қилган ҳолда, исталган келишув ва пул топишнинг энг ноодатий усулларида ҳам омад кулиб боқади. Масалан, сиз лойиҳангизни ишдан ташқарида бажариб, бутун ҳафта асосий иш жойингизда бўлмаслигингиз мумкин, раҳбарият эса иш жойингиз бўш турганлигини умуман сезмайди ҳам ёки шунчаки сизнинг эркалигингизга кўз юмади. Бир тарафдан, бу сизни қадрлашларидан даракдир. Иккинчи томондан, юлдузлар сизни шу етти кун давомида кутилмаган ва асоссиз туюлган моддий совғалар билан эркалашни ваъда қилмоқда. Ҳамкасбларингиз қанча уринса ҳам, мақтов ва мукофот пуллари айнан сизга насиб этади. Омад билан ўйнашманг ва атрофингиздаги ҳар иккинчи киши худди тушдагидек ёки сиз томонга фақат яхши муносабат билан қарашини суистеъмол қилманг. Ишларда ҳамроҳингизга ёрдам беринг, бўш вақтингизни севимли инсонларингизга бағишланг, акс ҳолда, муносабатлардаги танглик ва совуқликдан қоча олмайсиз.
Манба: http://www.stoloto.ru
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.