Косметика воситаларини сақлашнинг 7 та кутилмаган усуллари
18.08.2017
Агар ваннангизда жуда кўп шиша ва идишлар тўпланиб турса, косметика, қўлёзма стол ва ойнали жавонда эса турли хил банкача ва шишалар, лаб бўёғи ва тенлар қўйилган бўлса, унда косметика воситаларини сақлашнинг бир неча янги усулларини билиш сизга халақит бермайди. Улар фақатгина тартибга эришишга ёрдам бермайди, балки уйингизни янада шинам ва гўзал кўринишга келтиришга хизмат қилади.
1. Меваларга мўлжалланган этажерка косметика воситалари турган столингиздаги барча майда нарсаларни сақлаш учун жуда мос келади. Унга битталик тенлар палеткаси, очқичлар, лаб бўёқлари, лаклар, пахтали артгичлар, пробниклар ва шу каби барча нарсаларни қўйинг. Бу ерга яна севимли узук ва бир нечта зираклар ҳам сиғади.
2. Агар ҳаракатли қутилар косметика воситалари билан тўлган бўлса, унда қутиларнинг ичидаги нарсаларни жойлашнинг оригинал усули: ошхона анжомларига мўлжалланган махсус қутилардан фойдаланишдир. Ҳа-ҳа, пичоқ ва санчқилар сақланадиган қутилардан бири назарда тутиляпти. Энг арзони ҳам мос келади, чунки бунда пластикнинг сифати озиқ-овқатларни сақлашдагидек унчалик муҳим эмас. Чой қошиқлар қўйиладиган жойга лаб учун блеск ва бўёқлар жойлашади, узунроқ жойларига эса тушь, кўз ва лаб учун қаламлар, пилкалар ва макияж учун қўлланадиган турли чўткаларни қўйиш мумкин.
3. Чўткаларни сақлаш учун каттароқ стаканни олиб, уни шиша шарчалар ва турли гуллардан иборат безакли мунчоқлар билан безатиш мумкин. Шунингдек, аквариум учун рангли тўлдиргичлар мос келади. Бундай стаканда чўткалар вертикал ҳолатда туради, бошқа томонларга ёйилиб кетмайди ва уларни керак вақтда олиш ҳам қулай. Бундан ташқари, бу хонангизни безатиб туради. Агарда сиз бу усулларни қўлламасангиз, унда Da Vinci сиз учун чўткалар қўйишга мўлжалланган ажойиб ва катта металл идишни тақдим этади.
4. CD ва DVD ларни сақлаш учун мўлжалланган таглик кўпчилик тенлар палеткасига мос келади. Уни ён тарафга қўйинг ва дискларга мўлжалланган ўйиқ жойлар палеткаларни жойида мутаҳкам тутиб туради.
5. Эски сумкани турли нарсалар сақлайдиган жойга айлантиринг. Унга токчалардаги жойнинг ярмини эгаллаб турган барча нарсалар сиғади: фен, соч учун дазмол, эпилятор, грелка, бигудининг уч тўплами, соч учун кўп чўткалар ва шу кабилар. Сумканинг ташқи чўнтакларини ҳар куни ёки бир кунда бир неча марта қўлланиладиган нарсалар билан тўлдириш қулай бўлади. Бу тароқ, тушь, севимли зираклар ва ҳаттоки телефон учун қувват воситалари ҳам бўлиши мумкин. Бундай аксессуарни ванна хонага ҳам, жавон ичига ҳам осиб қўйиш мумкин. Қарабсизки, керакли вақтда муҳим нарсалар тезда қўлингизда бўлади.
6. Оёқ кийимлар учун осиб қўйиш модули фақатгина улар учун мос эмас. Агарда косметика воситалари ҳақиқатан ҳам кўп бўлса, бу сизнинг нажот усулингиздир. Айниқса, қопчалар рангсиз ва ярим шаффоф тусда бўлса, ўта қулайлик туғдиради: сиз нима қаерда турганини бир зумда кўрасиз. Ўнлаб лаб бўёғи ва қаламлар, билагузук, тароқ ва чўткалар – барчаси учун жой топилади. Сақлашнинг бу услуби олдингисидек токча ва столлар, қути ва жавончалардаги жойни тежайди. Агар сизда мебель етишмаса ёки косметика воситалари жуда кўп бўлса, бу услубнинг ўрнини ҳеч нарса боса олмайди.
7. Қолган нарсаларни гултувакка солинг ва деворга осиб қўйинг! Бу ҳазил эмас. Гулларга мўлжалланган осма туваклар чиройли безак ёки ажойиб нақшларга эга бўлади. Интерьер учун бундай предмет сизнинг хонангизни тўлдириб туради, муҳим майда нарсаларни осонроқ олишга имкон беради ва уйни тозалашни сезиларли даражада енгиллаштиради. Гултувакда чўткаларни ҳам (рангли тошлардан иборат стаканнинг ўрнини жуда яхши босади), исталган декоратив косметика воситаларини ҳам, зеб-зийнатларни ҳам сақлаш мумкин.
Бўш жойларни кенгайтириш учун санаб ўтилган барча усуллар фақат косметика воситаларини сақлашгагина мос эмас.Бу ғоялардан илҳомланиб, ванна ва ошхонадаги нарсаларни ҳам худди шу тарзда сақлашни тартибга солиш мумкин. Бунда ювиш воситаларини осма модуллардан фойдаланган ҳолда жойлаш ёки майда нарсаларни турли пластик контейнерларга қўйиш мумкин.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.