Рулдаги қизларнинг олдида нима, албатта, бўлиши керак?
27.06.2017
Кундан-кунга автомобил руллари қаршисида нозик хилқат эгаларини янада кўпроқ учратиш мумкин. Биз авто-ледиларнинг ёнида дори қутичаси ва олов ўчириш воситаларидан ташқари яна нималар бўлиши кераклиги ҳақида фикр юритмоқчимиз.
Қўшимча оёқ кийим
Кунингизни қандай ва қайси кийимда ўтказишингиздан қатъий назар, автомобилингизда, албатта, ингичка пошнали туфли бўлиши керак. Ҳаттоки сиз офисда ўз вақтингизни джинси кийимда ўтказаётган бўлсангиз-да, ҳеч ким сизнинг кечки учрашувга бормаслигингиз ёки дўстлар билан дийдорлашмаслигингизни кафолатламайди. Бундай пайтда оёқ кийимни алмаштириш имкониятидан воз кечиб бўлмайди. Бу ҳолатда 10 сантиметргача пошнаси бўлган қора ёки оч пушти рангли туфли энг яхши ечим бўла олади.
Атир
Бу ёрдамчисиз ҳеч қаерга бориб бўлмайди. Биринчидан, атир қиёфани тугалловчи восита ҳисобланади. Иккинчидан, айнан атирлар мусаффолик ҳисси ва парвариш қилинган кўринишни сақлаб тура олади. Кўпроқ шундоқ ҳам турли ҳидларга тўла кунни янада оғирлаштирмайдиган енгил ва тоза ифорларни танланг. Парфюмингиз қанчалик соф бўлса, шунчалик яхши. Цитрус мевалар ва дала гулларининг ҳиди турли зиравор ва тўйинтирилган ҳидлардан яхшироқ.
Қизил рангли лаб бўёғи
Исталган косметика сумкасида (аёллар учун севимли автонинг бардачоги ҳам бўлиши мумкин) бўлиши зарур бўлган нарса – бу қизил рангли лаб бўёғидир. Айнан ушбу косметик усул ҳар қандай кийимдаги аёлни бир зумда янги қиёфага келтиришга қодир. Бундай лаб бўёғи, айниқса, либосни алмаштиришга умуман вақти йўқ, аммо ёрқин ва тантанавор кўринишни истаган аёллар учун айни муддаодир. Биз тери ранги ва юз хусусиятларига қараб, қизил лаб бўёғини қандай танлаш ҳақида сўз юритган эдик. Ўзингизга мос келувчи рангни танлагач, зиқналик қилманг ва бир хил рангдаги иккита лаб бўёғини бирга сотиб олинг. Бирини ўзингизнинг байрам учун косметик сумкангизга солиб қўясиз, иккинчисини эса машинангизда олиб юрасиз.
Сочлар учун лак
Лак ҳам бир зумда яратиладиган қиёфа учун бетакрор ёрдамчи бўла олади. Биринчидан, лак ёрдамида турмакни профессионаллар ва қўшимча воситалар (шпилка, соч тақинчоқ каби) ёрдамисиз осонгина ўзгартиришингиз мумкин. Иккинчидан, лак доимо сочларга керакли ҳажмни беришга ёрдам беради. Яхшироқ эффект учун бошингизни олдинга эгиб, сочларга лак сепинг ва уларни силкитиб, орқага ташланг. Ҳажмдор ва ҳурпайган турмак тайёр.
Тирноқлар учун рангсиз лак
Агар сиз шеллак-маникюр соҳибаси бўлсангиз, бу босқични ўтказиб юбориш керак эмас. Айнан тирноқлар учун рангсиз лак ёрилган тирноқларни мустаҳкамловчи сифатида ёрдамга келади, бунда лаксиз тирноқларни тартибли, ялтировчи қоплам кўринишига келтириш мумкин. Шунингдек, у билан капрон колготкалардаги йиртилувчи чизиқларни тўхтатиш мумкин. Рангсиз лакнинг кераклигига ҳали ҳам шубҳангиз борми?
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.