Уй шароитларида Спа: у қандай қилинади
17.01.2017
Кенг тарқалган Спа сўзи билан белгиланадиган ўзини парваришлаш муолажаси, бу биринчи навбатда бўшаши дегани. Уй шароитларида баъзи муолажаларни қандай қилиб такрорлаш мумкин ва бунинг учун нималар талаб қилиниши ҳақида ҳикоя қиламиз.
Спа – ўзида муаттар ҳид терапиясини, тинчлантирувчи мусиқани ва албатта, бутун тана учун фойдали ва ёқимли муолажаларни мужассамлаштириб турувчи таркибли мажмуадир. Ҳар қандай муолажани ҳовлиқмасдан ва керагидан ортиқча вақт билан бошлаш зарур. Муолажа комил даражада ўтиши, ҳамда ўзингизни керакли тўлқинда созлаб олишингизга ҳеч нима халақит бермаслиги учун, телефонни ўчириб қўйиш мумкин.
Ҳар бир истаган киши буни энг оддий муолажадан – эфир ёғи ва денгиз тузи қўшилган бўшаштирувчи ваннадан бошлаши мумкин. Бунинг учун, ваннага сув тўлдириб, унга 3-4 қошик денгиз тузи (лаванда экстрактли туз аъло даражада мос келади) солинади. Сўнгра сувга 5-10 томчи эфир ёғи қўшилади. Лифтинг таасуроти учун, узум ва макадам ёғлари ҳам аъло даражада мос келади, терига софлик туйғусини бағишлаш учун – эвкалипт ёки ялпиз экстрактини танлашингиз мумкин.
Маслаҳат: ваннани яхшиси душ билан тўлдиринг – шу тарзда буғ ҳосил бўлади, демак иссиқ ваннадан ташқари (ҳарорат Цельсий бўйича 45 градусдан паст бўлмаслиги керак), сиз яна юз ғовакаларини кенгайтирувчи ва терини намлантирувчи туркча ҳаммом таасуротига ҳам эга бўласиз.
Шундан сўнг бўшаштирувчи ванна тугагач, терини тозалаш муолажаларига – пилингга киришишингиз мумкин. Бунинг учун олдиндан уй скрабини тайёрлаб қўйинг (биз уни тайёрлаш усули ҳақида ҳикоя қилган эдик). Терингизни яхшилаб қуритиб (уни асло ишқалаб ташламанг), муаммоли зоналарга скраб суртинг ва айлана ҳаракатлар билан ишқалаб чиқинг.
Эслатиб ўтамиз, агар скраб ёғли асосга эга бўлса, унда яхшиси теридан ювиб ташлагандан сўнг терига ёғ қолдиқларини бироз сингдириш мумкин. Бу дарров безаниб, уйдан югуриб ташқарига чиқиб кетиш дегани эмас. Яхшиси, чойшаб ёки кўрпага ўраниб, иссиқ ўтли чой ичиб, 30 дақиқа атрофида дам олиб танангизга ўзига келиб олишига имкон беринг.
Шундан сўнг ёки скраблаш ўрнига, ўраб-чирмаш деб аталадиган ёқимли ва фойдали муолажага мурожаат қилишингиз мумкин. Бунинг учун, бир ош қошиқ асални, йирик денгиз тузини, бир чимдим ачиштирадиган қизил қалампир ва бир ош қошиқ қаҳва қуйқасини бирлаштириб, бунинг ҳаммасини бир ош қошиқ зайтун ёғи билан аралаштиринг ва муаммоли жойларингизга суртинг. Сўнгра озиқ-овқат плёнкаси билан ўраб, иссиқ кийим кийинг ва 30-40 дақиқага дам олиш учун ётинг. Сўнгра илиқ душда ўранмани ювиб ташланг ва ҳайратда қолган терингизга ўзига келиб олиш имконини беринг. Ўраб-чирмаш муолажаси шуниси билан яхшики, у заҳарли моддалар (токсинлар) ва ёғларнинг қолдиқларини чиқариб ташлаб, сизга ортиқча килограммлардан қутулишингизга ёрдам беради.
Унутманг : ҳар қандай спа-муолажанинг якуни илиқ душ бўлиши керак, ва ундан сўнг танангизга тўйинтирувчи ёғ суртиб, терингизни дам олдиришингиз керак.
